IL CRISTO

(di Mirabella Eclano)

No, nun 'o purtate

luntano 'a nuie

stu Crucefisso. . .

Pure si attuorno

so' prete ll'arcate d"a chiesa

e l'ardare, 'o campanaro... Si pure 'o paese

nun ce sta cchiù.

Sulo stu Cristo c'è rimasto attaccato a nu muro squartato, janco 'e povere,

pe miracolo sarvo

comm'a nuie.

Aizàmmela sta croce

'ncopp"a cimma 'e stu calvario,

'ncopp' 'a sta terra 'e passione.

Ciro Ferrigno

(da "Tiempo 'e Passione" - 1984)